- Home
- About us
-
Our work
- Elections
- Civil society
- Rule of law
- Democratic governance
- Legislative support
- Freedom of religion or belief
- Freedom of peaceful assembly
- Gender-based violence
- Human rights defenders
- Human rights and new technologies
- Human rights and gender-responsive security sector
- Human rights and anti-terrorism
- Migration and freedom of movement
- National human rights institutions
- Torture
- Trafficking in human beings
- Hate crime
- People with disabilities
- Racism, xenophobia and discrimination
- Roma and Sinti
- Gender equality
- Special meetings
- News
- Events
- Resources
News Item
Քրեական գործերով պաշտպանության կողմի իրավունքների ամրապնդմանը նվիրված ԵԱՀԿ/ԺՀՄԻԳ աշխատաժողով Երևանում
ՀՀ քրեական դատավարության օրենսգրքի վերանայման շրջանակներում 2013թ. մարտի 19-ին Երևանում տեղի ունեցավ ԵԱՀԿ երևանյան գրասենյակի և ԵԱՀԿ ժողովրդավարական հաստատությունների և մարդու իրավունքների գրասենյակի կողմից կազմակերպված աշխատաժողով նվիրված պաշտպանության կողմի իրավունքները ամրապնդող նոր կանոններին:
- Issued on:
- Issued by:
- OSCE Office for Democratic Institutions and Human Rights, OSCE Office in Yerevan (closed)
- Fields of work:
- Օրենքի գերակայություն
ՀՀ քրեական դատավարության օրենսգրքի վերանայման շրջանակներում 2013թ. մարտի 19-ին Երևանում տեղի ունեցավ ԵԱՀԿ երևանյան գրասենյակի և ԵԱՀԿ ժողովրդավարական հաստատությունների և մարդու իրավունքների գրասենյակի կողմից կազմակերպված աշխատաժողով նվիրված պաշտպանության կողմի իրավունքները ամրապնդող նոր կանոններին:
Աշխատաժողովին մասնակցեցին Հայաստանի քրեական դատավարության օրենսգրքի նախագիծը մշակող կառավարական հանձնաժողովը և աշխատանքային խումբը, որոնք քննարկեցին ապացուցողական չափանիշների նոր կանոնները և պաշտպանության կողմի իրավունքները: ԺՀՄԻԳ-ի փորձագետները մասնակիցներին ներկայացրեցին գործող միջազգային չափանիշները և ԵԱՀԿ տարածաշրջանում առկա ընդհանուր իրավունքի ու քաղաքացիական իրավունքի համակարգերի օրենսդրությունները:
ՀՀ արդարադատության փոխնախարար Ռուբեն Մելիքյանը ընդգծեց, որ «Միջազգային չափանիշներին և ԵԱՀԿ պարտավորություններին համապատասխանեցումն էլ ավելի խորացնելու նպատակով Հայաստանը սկսել է դժվարին և խոստումնալից բարեփոխումների գործընթաց քրեական արդարադատության համակարգում»:
«ԵԱՀԿ երևանյան գրասենյակը և ԺՀՄԻԳ-ը ակտիվորեն աջակցել են դատական բարեփոխումներին և շարունակելու են աջակցել նաև հետագայում», - ավելացրեց ԵԱՀԿ երևանյան գրասենյակի ղեկավար Անդրեյ Սորոկինը:
Ներկայումս ՀՀ կառավարությունը լրամշակում է քրեական դատավարության օրենսգիրքը ՀՀ իրավական և դատական բարեփոխումների 2012-2016թթ. ռազմավարական ծրագրի շրջանակներում: Աշխատաժողովի արդյունքում մասնակիցները մի շարք առաջարկություններ մշակեցին, որոնք հիմք են ծառայելու ապացուցողական գործողությունների ընդհանուր կանոնների հարցում քրեական դատավարության օրենսգրքի նախագծի հետագա լրամշակման համար:
«Քրեական դատավարությունում պաշտպանության կողմի իրավունքների ամրապնդումը կարևոր դեր ունի դատավարության կողմերի զենքերի հավասարությունը ապահովելու նպատակով», - ասաց ԺՀՄԻԳ-ի օրենքի գերակայության բաժնի ղեկավարի տեղակալ Էվա Կատինկա Շմիդտը: «Սա հանդիսանում է պաշտպանության կողմի արդար դատավարության իրավունքի ապահովման անկյունաքարը:»
Փորձագիտական այս աշխատաժողովը այն միջոցառումների շարքից է, որոնք կազմակերպվում են ԵԱՀԿ/ԺՀՄԻԳ Հայաստանում դատավարությունների դիտարկումների ծրագրի վերջնական զեկույցում (2008թ. ապրիլ - 2009թ. հուլիս) ընդգրկված առաջարկությունների իրականացմանը աջակցելու նպատակով:
Contact
