Zyra për Institucione Demokratike dhe të Drejtat e Njeriut pranë OSBE-së (OSCE/ODIHR) hap misionin për vëzhgim të zgjedhjeve lokale në Ish-Republikën Jugosllave të Maqedonisë

Shkup, 25 Shkurt 2013 – Zyra e OSBE-së për Institucione Demokratike dhe të Drejtat e Njeriut (ODIHR) sot zyrtarisht hap misionin vëzhgues të zgjedhjeve lokale  të 24 marsit 2013 në Republikën ish-Jugosllave të Maqedonisë. Misioni vjen pas ftesës nga Ministria e Punëve të Jashtme.

Misioni është i kryesuar nga ambasadori Gert-Hajnrish Ahrens dhe përbëhet nga 11 ekspertë të bazuar në Shkup dhe 16 vëzhgues afatgjatë të shpërndarë në të gjithë vendin.

Misioni do të vlerësojë zgjedhjet lokale për përputhshmërinë e tyre me angazhimet e OSBE-së dhe standardeve të tjera ndërkombëtare për zgjedhje demokratike, si dhe me legjislacionin e brendshëm. Vëzhguesit do të monitorojnë nga afër legjislacionin e zgjedhjeve dhe zbatimin e tij, regjistrimin e kandidatëve, aktivitetet e fushatës, punën e administratës zgjedhore dhe të organeve relevante qeveritare.

Në rrjedhën e vëzhgimit, misioni do të takohet me përfaqësues të autoriteteve relevante dhe partitë politike, si dhe me kandidatët, dhe me përfaqësues nga shoqëria civile, media dhe komuniteti ndërkombëtar.

Një ditë pas zgjedhjeve, misioni do të publikojë një deklaratë për rezultatet paraprake dhe konkluzionet. Një raport përfundimtar për vëzhgimin e procesit zgjedhor do të lëshohet rreth dy muaj pas përfundimit të procesit zgjedhor.

Misioni për vëzhgimin e zgjedjeve i OSBE / ODIHR dhe Misioni i OSBE-së në Shkup veprojnë ndaras në bazë të mandateve të tyre të caktuara.

Për informata më të hollësishme, ju lutemi vizitoni faqen //www.osce.org/odihr/elections/99772 ose kontaktoni Egor Tilpunov, Media analist i misionit vëzhgues në  +389 70 359 087 ose në  egor.tilpunov@odihr.org.mk.

ose

Thomas Rymer, zëdhënës i OSBE/ODIHR, + 48 609 522 266, thomas.rymer@odihr.pl