БДІПЧ/АБСЕ адкрывае місію па назіранні за парламенцкімі выбарамі ў Беларусі

Мінск, 2 жніўня 2016 года - Бюро АБСЕ па дэмакратычных інстытутах і правах чалавека (БДІПЧ) сёння афіцыйна адкрыла місію па назіранні за парламенцкімі выбарамі ў Беларусі, прызначанымі на 11 верасня. Місія па назіранні за выбарамі прыбыла ў адказ на афіцыйнае запрашэнне ўладаў Беларусі.

Місію ўзначальвае пасол Тана дэ Зулуэта. Місія ўключае асноўную каманду з 10 экспертаў, якія працуюць у Мінску, і 38 доўгатэрміновых назіральнікаў, якія будуць размешчаныя ў групах па два назіральніка па ўсёй краіне. Акрамя таго, БДІПЧ запросіць 400 кароткатэрміновых назіральнікаў для маніторынгу выбарчага працэсу ў дзень выбараў. Эксперты і назіральнікі прадстаўляюць 23 краіны.

Місія будзе ажыццяўляць назіранне за выбарамі, каб вызначыць іх адпаведнасць абавязальніцтвам у рамках АБСЕ, іншым міжнародным абавязацельствам і стандартам дэмакратычных выбараў, а таксама нацыянальнаму заканадаўству. Назіральнікі будуць уважліва сачыць за працэсамі рэгістрацыі кандыдатаў і выбаршчыкаў, агітацыйнымі мерапрыемствамі, працай выбарчай адміністрацыі і адпаведных урадавых ворганаў, выбарчым заканадаўствам і яго прымяненнем, а таксама разглядам скаргаў, якія звязаны з выбарамі. У рамках назірання місія будзе таксама праводзіць маніторынг асвятлення кампаніі ў СМІ.

У ходзе назірання місія сустрэнецца з прадстаўнікамі дзяржаўных ворганаў і палітычных партый, а таксама з прадстаўнікамі грамадзянскай супольнасці, сродкаў масавай інфармацыі і міжнароднай супольнасці.

У дзень выбараў назіральнікі будуць сачыць за адкрыццём выбарчых участкаў, ходам галасавання, падлікам бюлетэняў і падвядзеннем вынікаў. Для ажыццяўлення назірання ў дзень выбараў місія плануе аб'яднаць намаганні з дэлегацыямі Парламенцкай асамблеі АБСЕ і Парламенцкай асамблеі Савета Еўропы.

Заява аб папярэдніх высновах і заключэннях будзе апублікавана на наступны дзень пасля выбараў. Канчатковы даклад аб назіранні за ўсім выбарчым працэсам з рэкамендацыямі будзе апублікаваны прыкладна праз два месяцы пасля завяршэння выбарчага працэсу.

Па дадатковую інфармацыю звяртайцеся, калі ласка, на сайт http://www.osce.org/odihr/elections/belarus або звязвайцеся з Улві Ахундлу, саветнікам па выбарах па тэлефону +375 29 876 3772 (мабільны)